Есть вопросы? Звоните +996 (880) 18-88-81
Образование
Дети
Возрастные группы
Прокачка
Движ
Возможности
Опыт
Вклад
Промо-блок
Новости проекта
Эмне үчүн бүгүнкү күндө ар бир адам онлайн иштей алат | AiMAK Digital Ecosystem долбоорунун «Жөндөмдөн туруктуу кирешеге» курсунун алкагында | 1-модуль. Санариптик экономика жана мүмкүнчүлүктөр
Саламатсыздарбы.
Менин атым Аида, жашым 24тө. Мен Жалал-Абад облусунун Сузак районундагы Таш-Булак айылынан болом.
Бүгүнкү күндө мен SMM-адисмин.
Менин жумушум – компанияларга жана ишкерлерге интернет аркылуу өнүгүүгө жардам берүү: контент түзөм, текст жазам, жарнамалык идеяларды ойлоп табам жана алдыга илгерилетүү стратегиясын түзөм.
Бирок бир нече жыл мурун мен мындай тармакта иштей алам деп такыр ойлогон эмесмин.
Аймактардагы көптөгөн адамдардай эле, мен дагы жакшы мүмкүнчүлүктөр чоң шаарларда гана болот деп ишенчүмүн.
Кызыктуу жумуш үчүн сөзсүз түрдө башка жакка көчүп барып, кеңсе таап, так график менен иштеш керек сыяктуу сезилчү.
Мурда ушундай эле болчу.
Жумуш табуу үчүн адамдар көбүнчө чоң шаарларга көчүп кетишчү. Кеңсе издөө, маектешүүдөн өтүү жана эртең мененкиден кечке чейин белгиленген расписание менен иштөө керек эле.
Бирок бүгүн дүйнө абдан өзгөрдү.
Биз санариптик экономика доорунда жашап жатабыз.
Бул деген – барган сайын көбүрөөк компаниялар интернет аркылуу иштейт дегенди билдирет. Бизнес социалдык тармактарда жайылтылат, товарлар онлайн сатылат, кардарлар санариптик платформалар аркылуу изделет. Муну менен бирге жаңы кесиптер пайда болууда.
Эң кызыгы – бул кесиптердин көбүн интернет бар каалаган жерден туруп аткарууга болот.
Мисалы, адам кичинекей шаарда же айылда жашап, ошол эле учурда башка аймактардагы, атүгүл башка өлкөлөрдөгү кардарлар менен иштей алат.
Интернет чек араларды жок кылат.
Бүгүнкү күндө барган сайын көбүрөөк адамдар төмөнкүдөй шартта иштеп жатышат:
- үйүнөн;
- кичинекей шаардан;
- өзүнүн аймагынан;
- же саякаттап жүрүп.
Мен өзүм дал ушундай жол менен иштей баштадым.
Алгач социалдык тармактарды изилдедим: блогерлер баракчаларын кантип алып барышат, компаниялар өз өнүмдөрүн кантип жарнамалашат – ушуларды байкадым.
Андан кийин текст жазып, посттор үчүн идеяларды ойлоп таап, тааныштарыма баракчаларын иретке келтирүүгө жардам берип көрө баштадым.
Акырындап биринчи буйрутмаларды ала баштадым:
- Кимдир бирөө Инстаграм үчүн текст жазып берүүнү суранды.
- Кимдир бирөө – контент үчүн идеяларды.
- Дагы бирөө – өнүгүүгө (продвижение) жардам берүүнү.
Убакыттын өтүшү менен бул менин кесибим болуп калды.
Бүгүнкү күндө мен өз бизнесин интернетте өнүктүрүүнү каалаган ишкерлер жана компаниялар менен иштейм. Мындай адистердин саны барган сайын өсүүдө.
Азыр санариптик экономикага байланыштуу ондогон кесиптер бар.
Мисалы:
- SMM-адис – бизнестин социалдык тармактарын жүргүзгөн адам.
- Дизайнер – визуалдык материалдарды, баннерлерди жана графикаларды түзөт.
- Видеограф же мобилограф – компаниялар жана блогерлер үчүн видео тартып, монтаждайт.
- Копирайтер – жарнама, сайттар жана социалдык тармактар үчүн текст жазат.
- Онлайн-сатуучу – компанияларга товарларын интернет аркылуу сатууга жардам берет.
Бул бир нече гана мисалдар.
Чындыгында тизме мындан алда канча чоң.
Эң негизгиси – бул жөндөмдөрдүн көбүн акырындап өздөштүрсө болот.
Дароо эксперт болуу шарт эмес.
Көбүнчө баары жөнөкөй кызыгуудан башталат: адам жаңы теманы изилдей баштайт, кичинекей долбоорлорду жасап көрөт, тааныштарына жардам берет. Убакыттын өтүшү менен тажрыйба, портфолио жана кардарлар пайда болот.
Бүгүнкү күндө адамдарга тезирээк жана натыйжалуу иштөөгө жардам берген дагы бир курал бар.
Бул – Жасалма Интеллект (Искусственный интеллект).
Мүмкүн, сиз бул тууралуу уксаңыз керек.
Бүгүнкү күндө жасалма интеллект адистерге төмөнкүдөй жардам берет:
- текст жазууга;
- идеяларды жаратууга;
- видео үчүн сценарий түзүүгө;
- тренддерди анализдөөгө;
- контентти тезирээк жасоого.
Мисалы, мурда текст жазууга бир нече саат кетсе, бүгүн жасалма интеллект муну алда канча тезирээк бүтүрүүгө көмөктөшөт.
Бирок бир нерсени түшүнүү маанилүү:
Жасалма интеллект – бул болгону курал.
Ал тезирээк иштөөгө жардам берет, бирок баары бир идеялар, чыгармачылык жана кардардын муктаждыгын түшүнүү адамга көз каранды.
Ошондуктан бүгүнкү күндө төмөнкү сапаттарга ээ адамдар өзгөчө бааланат:
- ойлоно билген;
- жарата алган;
- талдай билген;
- заманбап технологиялар менен иштей алган.
Бул жөндөмдөрдүн көбүн азыртан эле өнүктүрө баштасаңыз болот. Биз бул курста муну кантип жасоону кадам-кадам менен көрсөтөбүз.
Сиз төмөнкүлөрдү үйрөнөсүз:
- өз жөндөмдөрүңүздү кантип табуу керек;
- аларды кантип кызматка айландыруу керек;
- профилди (аккаунтту) кантип кооздоо керек;
- интернет аркылуу кардарларды кантип табуу керек;
- жана кантип акырындап акча таба баштоо керек.
Бирок баары биринчи кадамдан – сизге кайсы багыт кызыктуу экенин түшүнүүдөн башталат.
Эми кичинекей практикалык тапшырма:
Телефонуңузду же бир барак кагаз алыңыз. Жана сизге кызыктуу көрүнгөн үч онлайн-кесипти таап жазыңыз.
Мисалы:
- SMM-адис
- дизайнер
- видеограф
- копирайтер
- онлайн-сатуучу
- контент-менеджер.
Дароо идеалдуу вариантты тандоо шарт эмес.
Башкы максат – мүмкүнчүлүктөрдү изилдей баштоо.
Кийинки сабактарда биз жөндөмдөрдү кантип өнүктүрүү жана аларды киреше булагына айландыруу жөнүндө сүйлөшөбүз.
Ал эми кийинки сабакта нарындык мобилограф Бакай кайсы жөндөм сиздин кесибиңиз боло аларын кантип түшүнсө болорун жана эмнеден баштаган жакшы экенин айтып берет.
Кийинки сабактан көрүшкөнчө!
Предпринимательство
Курсы
Образовательные ресурсы и материалы
E-commerce
Поиск предназначения
Социальные сети
Instagram
Истории успеха и провалов
Обмен опытом
Авторизуйтесь, для того чтобы оставить комментарий
Новости проекта
Промо-блок
Соавторы
Другие блоги авторов
Айылда бизнести кантип өнүктүрүү керек | AiMAK Digital Ecosystem долбоорунун «Жөндөмдөн туруктуу кирешеге» ...
Как развивать бизнес в селе | В рамках курса «От навыков к устойчивому доходу» проекта AiMAK Digital ...
Смотрите также
