"Толкачтар" деген кимдер жана алар чек арада кантип акча табышат? 1-бөлүк

Көпчүлүк «толкач» деген сөздү алгач УКМК жетекчиси Камчыбек Ташиевдин 24 аткаминерди резонанстуу камакка алышынан кийин укса керек. Ага чейин бул терминди санаалуу гана адамдар билчү, элдин басымдуу бөлүгү болсо таптакыр кабарсыз эле. А бирок, дал ошол «толкачтар» импорт аркылуу миллиарддаган сом таап, чек араны «сүр аймакка» айландырып алышкан.

«Схемалар» программасынын экинчи чыгарылышында Мамлекеттик салык кызматы тез бузулуучу товарлар боюнча маалыматтарды талдоонун жыйынтыгын сунуштап, жашылча жана мөмө-жемиш импортунда миллиарддаган сомдук схемалар бар экенин көрсөттү.

Беш башка окуя. Ар башка каармандар. Ар башка схемалар. Бирок баарын бириктирген нерсе – бул мамлекеттен айлакер болуу, мыйзамдарды өз пайдасына бурмалап чечмелөө жана аткаминерлерди сатып алуу  болгон.